:حيدربابا ايله راز و نيازين كامل نسخه سي
https://yarpag.files.wordpress.com/2010/07/heydar-baba_2.pdf
:حيدربابا ايله راز و نياز- استاد شهريارين اوز سسيله
http://www.4shared.com/audio/N5n8AySb/Heydar_Baba_yarpagwordpresscom.html
حيدربابا گلديم سنى يوخليام
بير ده ياتام قوجاغوندا يوخليام
عمرى قوام بلكه بوردا حاخليام
اوشاقليغا ديم بيزه گلسن بير
ايدين گونلر آغلار يوزه گلسن بير
حيدربابا چكدون منى گتيردون
يوردوموزا، يواميزا يتيردون
يوسفوى اوشاق ايكن ايتيردون
قوجا يعقوب ايتميشسمده تاپوپسان
قاواليوب قورد آغزينان قاپوپسان
من گوردوگوم كروان چاتوپ كچپدى
آيريليغن شربتنى ايچيپدى
عمرموزون كچى بوردان گچيپدى
گچيپ گديپ گدر گلمز يولارا
توزى قونوپ بو داشلارا كولارا
زمان گچير افق لرده توز قالير
كروان كيمى اوزاقلاردا توز سالير
دومان گلير يوركلرى چولقلير
يورك دير زمان كچمه، آمان دور
كچنلرده گوزوم وار بير داياندور
بوردا شيرين خاطره لر ياتوپلار
داشلاريلان باشى باشا چاتوپلار
آشناليغين داشين بيزدن آتوپلار
من باخاندا قاوزايلار باخيلار
بيرده ياتوپ ياندريلار ياخيلار
استاد شهريار
Zalıma rǝhm etmǝk, mǝzluma zülm etmǝkdir.
ظاليمه رحم ائتمك، مظلوما ظلم ائتمك دير
Zalımın zülmü yadında qalmaz.
ظاليمين ظلمي ياديندا قالماز
Zalımın ömrü az olar.
ظالمين عمري آز اولار
Zaman axıb gedir, amma hǝr işini qurtarıb getmir.
زمان آخيب گئدير، اما هر ايشي ني گورتاريب گئتمير
Zaman bir nǝhrdir axar, durmaz.
زمان بير نهر دير آخار، دورماز
داش نه بيلر منيم بلالي باشيم وار
بو قبر اوسته آخان بير گوز ياشيم وار
آرزي- گورزي تاريخچه سيندن قالان
بوردا آنجاق بير يازيلي داشيم وار
فاتحه ني اونوتمايين كي بوردا
منيم ده بير يارالي قارداشيم وار
استاد شهريار
بو نوحه ده استاد موذن زاده بير گوزل صورت ده، حضرت فاطمه نين شهادتين ده، حضرت علي (ع) حالاتين، تصويره چكيب
بو فايلي دانلود ائدين
:حجم
2mb
يا
حسرت ياش اولوب گوزللره دولماقدادی،دای گل!
گوزياشلاری آخماقدا سئل اولماقدادی،دای گل!
هجران توری دونيانی قفس تک بورويوبدور
دنياکيمی ،باغريمدا دارالماقدادی،دای گل!
سال داغلارا های،گؤيده بولودلار ديله گلسين
ياپراق کيمی وارليق بويو سولماقدادی،دای گل!
هجرينده گئچن لحظه لری يانقلی سازتک
غم پنجه سی،آه زخمه سی،چالماقدادی،دای گل!
سنسيزليگه دؤزمک نه ساياق ممکن اولارميش
دؤزودوم،دؤزوموم جانيمی آلماقدادی،دای گل!
گل قوی گؤنشين بايداسی دنيايه جالانسين
باغريمدا قارانليق ايزی قالماقدادی،دای گل!
ياتماز، يولونو گؤزلريم اولدوزکيمی گؤزلر
گؤزلر کؤکو، حسرتله سارالماقدادی،دای گل!
هرگؤن «سحر» آدديملارينين ماهنيسين ايزلر
آچميش سحرين باغری قارالماقدادی،دای گل!
اي تورپاغيم آذربايجان
اي قهرمانلاردان نشان
اي مرد اوغوللار مسكني
اي نازلي گل لر گلشني
ديللرده ازبر دير آدين
قوچاقدير هر بير اولادين
سن نشان و شهرت يوردوسان
عزت، سعادت يوردوسان
سنده دير روح، سنده دير جان
آذربايجان، آذربايجان
اي گئچميشي پارلاق ديار
مين فخر و شهرت سنده وار
هر باخيشيندا دير نگار
وار مين وقار، مين افتخار
من بير اوغول، سن بير آنا
بويانسام اوغروندا قانا
قويمام گوره باشين يامان
دشمنلره وئرمه م امان
سنده دير روح، سنده دير جان
آذربايجان، آذربايجان
چوللريدير شأن، هر يئرين گلشن
سن نه گوزلسن، اي آنا وطن
**
باغدير، اكيندير، هر بير بوجاغين
قيزيل تكيندير ساري تورپاغين
**
بويوتدون بيزي، وئردون قول- قاناد
يوخدور غم ايزي، شأندير بو حيات
**
قلبيم، جانيمسان، اي آنا يوردوم
ايستي قوينوندا شأن يووا قوردوم
**
چوللريندير شأن هر يئرين گلشن
سن نه گوزلسن اي آنا وطن
اوساندين[1] سنده آخيردا زهه رلنميش بولاغلاردان
قانادلارين اوچار- اوچماز كؤچورسن قانلي باغلاردان
اؤزون يولدا گؤزون دالدا كئچيرسن قارلي داغلاردان
تيكانليقلار دياريندان اولان كؤكسو يارا بولبول
ائشيتميشديم كؤچر دورنا، گئديرسن سن هارا بولبول؟
گئديرسن سن گئت دالا باخما، قاباقلاردان سسين گلسين
بولانماز غنچه قانيندان بولاقلاردان سسين گلسين
قفسدن جان قوتار سوسما، اوزاقلاردان سسين گلسين
سازين نيسگيللي سيزلانسا اوزون دؤندر بورا بولبول
آماندير، قويما يوردون تك سني غربت يورا بولبول
گئت اوردا سال هاراي، سسلن نه اود دوشدو بورا سؤيله
اسيلدي اللي مين بولبول بوداقلاردان دارا سؤيله
گونش ده ظلمدن سؤندو اوزو اولدو قارا سؤيله
دئنن گلدي ائليم يوردوم بو ظلمت دن زارا بولبول
اوجالميش ناله ني سازدان دولان سال داغلارا بولبول.
سحر خانيم
[1] اوسانماق: بيزارشدن ، ذله شدن.
آنا دیلیمده کی سوزلر 